காதல் என்பது........

காதல் என்பது

சாப்பிடும்போது பார்வையை எங்கோ அலையவிட்டு சாப்பாட்டில் விரலாய் அலையவிடுவது.

உடுத்த உடையை தேர்ந்தெடுக்க குழம்புவது

மொழி தெரியாத புத்தகத்தை வாங்குவது

எதுவும் பேசாமல் நிறைய உளறுவது.

குளிர்பான கடையில் சுடாய் ஒரு ஆப்பிள் ஜுஸ் கேட்பது

பெற்றோரிடம் வகை வகையாய் பொய் சொல்வது

கனவுகளுக்கும் கற்பனைகளுக்கும் நடுவில் கொஞ்சமாய் உறங்குவது .

இரவில் தலையணையை அணைத்துக்கொண்டு அதனுடன் பேசுவது .

மணிகணக்கில் பேசுவது விஷயம் இல்லாமல் .

ஒரே ஒரு வரி வாழ்த்து எழுத பல நாள் செலவழித்து அகராதியை அலசுவது.

இத்தனை வருடம் இல்லாமல் பிறந்த நாளை புதியதாக கொண்டாடுவது.

முதல் காரியமாக போட்டோ வாங்கி வைத்துக்கொள்வது.

தனிமையில் இருக்கும் போது தானாகப் பேசி, சிரித்துக் கொள்வது.

காதல் என்பது தொட்டாலும் தொடர்வது விட்டாலும் தொடர்வது.